Qazaqstannyń juptyq syndaǵy birinshi, álemniń 19-raketkasy Anna Danılına AQSh ashyq chempıonatynyń shırek fınalyna shyǵa almady, dep habarlaıdy Egemen.kz.
Danılına brazılııalyq Beatrıs Haddad Maııamen birge jarystyń 8-raketkalary bolyp tirkelgen edi. Qazaqstandyq-brazılııalyq jup úshinshi aınalymda dodanyń 10-raketkalary, amerıkalyq Nıkol Melıchar-Martınes – aýstralııalyq Ellen Perespen sheberlik baıqasty.
Bir saǵattan astam ýaqytqa sozylǵan básekede amerıkalyq-aýstralııalyq dýet 6:3, 6:3 esebimen jeńiske jetti. Jasóspirimderden Arýjan Saǵyndyqova jarys jolyn jalǵastyrýda. Irikteý saıystarynan ótken ol chempıonattyń alǵashqy aınalymynda búgin amerıkalyq Lıv Hovdemen kortqa shyǵady.