Qostanaı oblysyndaǵy Áýlıekól aýylynda órtten zardap shekkenderge úı salyna bastady, dep habarlaıdy Egemen.kz.
«Oblys ortalyǵyna adamdardy kóshirý týraly Úkimet qaýlysy bar. Biz 2,5 aı ishinde sapaly úıler salyp, halyqty qonystandyrýymyz kerek», dedi oblys ákiminiń birinshi orynbasary Ǵaýez Nurmuhambetov.
Sondaı-aq merdigerdi tańdaý úshin eshqandaı tender ótkizilmegeni aıtyldy.
«Bul tótenshe jaǵdaı, munda baıqaýlar joq. Baıqaý ótkizseńiz, ol birneshe aıǵa sozylady. Ýaqyt joq. Eń bastysy berilgen 2,5 aıda 100 sharshy metr sapaly úıler salý qajet. Sondyqtan munda iri kompanııalar jumys isteıdi», dep túsindirdi ákimniń orynbasary.