«Biz memlekettik-jekeshelik áriptestikti keńeıtip, ınvestorlardy stýdenttik jataqhanalardyń qurylysyna tartamyz. Olar úshin memleket tarapynan arnaıy preferensııalar kózdelgen. Memlekettik tapsyrysty bólý kezinde biz JOO jataqhanalarynyń bolýyn eskeremiz jáne stýdentterdi turǵyn úımen qamtamasyz etý máselesimen qarqyndy jumys isteımiz», dep atap ótti vıse-mınıstr Qýanysh Erǵalıev.
Aıta keteıik, Qýanysh Erǵalıev Ǵylym jáne joǵary bilim mınıstriniń tapsyrmasy boıynsha Almaty qalasyndaǵy JOO jataqhanalaryna baryp, basqa qalalardan kelgen stýdentterdi turǵyn úımen qamtamasyz etýdi tekserdi. Ol jataqhanalarda oryndardyń bar-joǵyn, onda stýdentterdiń turýy úshin qandaı jaǵdaılar jasalǵanyn tekserdi. Vıse-mınıstr stýdenttermen kezdesip, olarmen áńgimelesti. Bir kún ishinde ol Almatynyń birneshe iri joǵary oqý oryndarynda jáne 10-nan astam jataqhanada boldy.
Almatyda elimizdegi stýdentterdiń shamamen úshten biri turady. Jyldan jylǵa megapolıske keletin stýdentter sany artyp keledi. Osyǵan baılanysty shaharda stýdenttik jataqhanalarǵa degen suranys joǵary. Osyǵan baılanysty jataqhanalardaǵy oryn tapshylyǵy máselesin sheshý úshin jańa stýdentter úıleriniń qurylysy júrgizilýde jáne jataqhanalar men qonaq úılerdegi tósek-oryndardy jalǵa alý boıynsha sharttar men memorandýmdar jasalýda.