Qasym-Jomart Toqaev Azııadaǵy ózara is-qımyl jáne senim sharalary jónindegi keńes hatshylyǵynyń qazirgi qyzmetimen jáne Qazaqstannyń osy uıymǵa 2020-2022 jyldardaǵy tóraǵalyǵynyń qorytyndysymen tanysty, dep habarlaıdy Egemen.kz Aqordaǵa silteme jasap.
Áńgimelesý barysynda 12-13 qazanda elordada ótetin AО́SShK-tiń VI sammıtine daıyndyq máselesine erekshe nazar aýdaryldy.
AО́SShK Hatshylyǵynyń atqarýshy dırektory Qaırat Sarybaı Memleket basshysyna aldaǵy sammıttiń qorytyndy qujattarynyń jobalaryn kelisý úderisi týraly baıandady.
Sonymen qatar Prezıdentke AО́SShK-ti tolyqqandy halyqaralyq uıymǵa aınaldyrý jospary jóninde málimet berildi. Bul mańyzdy mindetti júzege asyrý – Qazaqstannyń strategııalyq maqsaty.
Kezdesý sońynda Memleket basshysy aldaǵy sammıtti joǵary deńgeıde uıymdastyrý jáne AО́SShK-tegi maqsattar men mindetterdi tıimdi iske asyrý asa mańyzdy ekenin atap ótti.