Aqtaý teńiz saýda portynan qazaqstandyq konteınerlik júk tasymaldaıtyn ekinshi keme «Suńqar» alǵash ret jolǵa shyqty. «Qazaqteńizkólikfloty» ulttyq teńiz keme qatynasy kompanııasy» jaýapkershiligi shekteýli seriktestigine tıesili «Suńqar» kemesi osy ýaqytqa deıin kompanııanyń mamandandyrylǵan flot qatarynda boldy.
Mańǵystaý oblystyq jolaýshylar kóligi jáne avtomobıl joldary basqarmasy mamandarynyń aıtýynsha, Transkaspıı halyqaralyq kólik marshrýtyndaǵy jáne jalpy álemdegi konteınerlik tasymaldarǵa degen qajettilik pen suranystyń joǵary bolýyna baılanysty keme qaıta jasaqtalyp, konteıner tasymaldaıtyn keme retinde modernızasııalanǵan.
«Suńqar» kemesiniń alǵashqy baǵyty – Ázerbaıjan Respýblıkasy Baký qalasynyń «Alıat» porty. «Qazaqteńizkólikfloty» UTKQK JShS konteınerlik keme retinde alǵash saparǵa shyqqan sý kóligin saltanatpen shyǵaryp saldy.
Mańǵystaý oblysy