Shengen vızalary bar Reseı azamattary Lıtva, Latvııa jáne Estonııa elderiniń aýmaǵyna kire almaıtyn boldy, dep habarlaıdy Egemen.kz Anadoly agenttigine silteme jasap.
Bul týraly Latvııa SIM basshysy Edgars Rınkevıchs óziniń Twitter paraqshasynda habarlady.
«Baltyq jaǵalaýy elderi EO Shengen vızalary bar Reseı Federasııasy azamattarynyń shekaradan ótýin shekteý týraly kelisimge keldi», dedi dıplomat.
Onyń aıtýynsha, Baltyq elderiniń úkimetteri bul sheshimdi ulttyq rásimderge sáıkes qabyldap, kúshine engizdi.
Buǵan deıin Eýropalyq Komıssııa Reseımen vızalyq rejımdi jeńildetý týraly kelisimdi tolyǵymen toqtatý týraly usynysty maquldaǵan edi.