Shyǵys Qazaqstan oblysynyń Ulan aýdanynda «О́skemen-Almaty» tasjolynyń 45-shi shaqyrymynda jol-kólik oqıǵasy boldy. Toyota Ipsum kóliginiń 24 jastaǵy júrgizýshisi rýldi basqara almaı, aldynda kele jatqan Kamaz 5320 kóligimen soqtyǵysqan, dep habarlaıdy Egemen.kz ShQO polısııa departamentiniń baspasóz qyzmetine silteme jasap.
Vedomstvo málimetinshe, jol-kólik oqıǵasy saldarynan Toyota Ipsum avtokóliginiń eki jolaýshysy (1984 jáne 1978 j.t. er adamdar) oqıǵa ornynda qaıtys bolǵan. Atalǵan kólikte bolǵan 24 jastaǵy júrgizýshi men onyń eki jolaýshysy (1982 jyly týǵan er adam men 2002 jyly týǵan jigit) túrli dene jaraqattarymen aýrýhanaǵa jetkizilgen.
Atalǵan fakti boıynsha Qazaqstan Respýblıkasy Qylmystyq kodeksiniń 4 bóligi 345-baby «Abaısyzda eki nemese odan da kóp adamnyń ólimine ákep soqqan kólik quraldaryn basqaratyn adamdardyń jol qozǵalysy erejelerin buzýy» boıynsha sotqa deıingi tergeý bastaldy.
Qazirgi ýaqytta sotqa deıingi tergep-tekserý úshin birqatar sot-medısınalyq saraptama taǵaıyndaldy, onyń qorytyndysy boıynsha prosessýaldyq sheshim qabyldanady.