Dál osy suraqqa óńirlik kommýnıkasııalar qyzmetinde ótken brıfıng kezinde Qostanaı oblystyq veterınarııa basqarmasynyń basshysy Aqat Shektibaev jaýap berdi, dep habarlaıdy Egemen.kz.
«Áýlıekól jáne Qarasý aýdanynda bolǵan órt saldarynan jalpy esebi 38 bas iri qara, 2 qoı, 222 shoshqa, 712 ártúrli úı qustary órtenip ketken. Qazir úı janýarlarynyń qujattary jınalyp jatyr. Vetstansadaǵy mamandar qandaı anyqtamalar, qujattar kerek ekenin turǵyndarǵa túsindirip otyrady. Bizdiń mamandar órtengen úıler men qoralarǵa qojaıyndarmen birge baryp, órtenip ketken úı janýarlarynyń sany men málimetterin arnaıy komıssııaǵa ótkizýde. Mysaly, órt kezinde jyraqqa qashyp ketken úı janýarlary bolýy múmkin. Olardyń da esebin eskerý kerek», dedi Aqat Balǵojauly.