Bıylǵy 8 qyrkúıekten bastap «Otandastar qory» KeAQ shetelde turatyn qandas balalarǵa qazaq tilin úıretý maqsatynda «Dostar alańy» jobasyn iske qosty, dep habarlaıdy Egemen.kz.
Bul jobanyń basty maqsaty - álemniń ár túkpirinde turatyn qazaqtardyń ana tilimizde áńgimelesetin ortasyn qalyptastyrý.
Joba qatysýshylary qazaq tilinde sóz saptap, sóılem quraýdy úırenedi. Budan bólek, ulttyq salt-dástúr men uly tulǵalar týraly aqparatqa qanyǵady. Kún saıyn túrli taqyryptar talqylanady. Osylaısha, álemniń ár jerinde júrgen qazaq balalaryn bir alańǵa toptastyryp, bir-birimen dostasýlaryna da múmkindik jasalady.
Osyǵan oraı «Otandastar qory» shetelde turatyn qazaq balalaryna ana tilimizdi úıretý úshin mektep jasyndaǵy oqýshylar men ultjandy jastardy jobaǵa atsalysýǵa shaqyrady.
О́zge de aqparattardy Qordyń resmı saıtynan tabýǵa bolady.