Konkýrstyq rásimderdiń nátıjeleri boıynsha Abaı oblysynyń Tabıǵı resýrstar jáne tabıǵat paıdalanýdy retteý basqarmasy basshysy laýazymyna Danııar Toqtybaev taǵaıyndaldy, dep habarlaıdy Egemen.kz oblys ákimdiginiń baspasóz qyzmetine silteme jasap.
Danııar Jaǵyparuly 1976 jyly Pavlodar oblysy Krasnokýtsk kentinde dúnıege kelgen. D. Serikbaev atyndaǵy Shyǵys Qazaqstan tehnıkalyq ýnıversıtetin jáne Qazaqstan-Amerıkandyq Erkin ýnıversıtetin bitirgen.
Jumysty Shyǵys Qazaqstan oblysy Kúrshim aýdany ákimi apparatynyń qurylys, sáýlet, TKSh jáne joldardy damytý bóliminiń mamany bolyp bastaǵan.
Ár jyldary ShQO sáýlet-qurylys baqylaý basqarmasynda, ShQO qurylys basqarmasynda, ShQO Tabıǵı resýrstar jáne tabıǵat paıdalanýdy retteý basqarmasynda basshylyq qyzmetter atqarǵan.