Qazaqstan ulttyq quramasy Birikken Arab Ámirlikteri komandasymen joldastyq kezdesý ótkizedi, dep habarlaıdy Egemen.kz Qazaqstan fýtbol federasııasyna silteme jasap.
19 qarasha kúni Abý-Dabı qalasynda ótedi. Naqty ýaqyty men stadıony ázirge belgisiz.
Aıta keteıik, Birikken Arab Ámirlikteri FIFA reıtınginde 69-orynda ornalasqan. Bul komandanyń Qatarda ótetin Álem chempıonatyna shyǵýyna múmkindik bolǵan edi. Degenmen sońǵy sheshýshi oıynynda Aýstralııaǵa 1:2 esebimen jol berdi.
Komandanyń eń joǵary jetistigi – 1990 jylǵy álem chempıonatyna qatysqany jáne 1997 jyly Azııa kýbogynyń kúmis júldesi.
Buǵan deıin Qazaqstan jáne BAÁ ózara úsh ret kezdesken.