Jarma aýdanynyń Shalabaı aýyldyq okrýginde qurǵaq shóptiń janýy tirkeldi, dep habarlaıdy Egemen.kz ákimdiktiń baspasóz qyzmetine silteme jasap.
«Oqıǵa ornynda TJB jáne jergilikti atqarýshy organdardyń qyzmetkerleri jumys isteýde. Qalbataý aýylynan 1 avtobýs jolǵa shyqty. Jarma aýdanynyń TJB bastyǵynyń mindetin atqarýshy da oqıǵa ornynda. О́rttiń aýmaǵy shamamen – 40 ga jerdi quraıdy», delingen habarlamada.
Sonymen qatar, Besqaraǵaı aýdanynda da órt oshaqtary tirkelgen. Bir órt oshaǵy sóndirilse, ekinshisi – oqshaýlandy. Oblys ákimi Nurlan Uranhaev jedel shtab otyrysyn shuǵyl túrde ótkizdi. Ol TJD-ǵa jaǵdaıdy baqylaýda ustap, qosymsha tehnıka jiberýdi tapsyrdy.