Altaı sýretteri

Áýeli aıta keterligi, eki kórme de Qudash Dáýlet­qan­ulynyń esimimen baılanys­ty. Nege deseńiz, shyǵystyń ár túkpirinde qylqalam us­tap júrgen jastardyń basyn biriktirip, «Jańǵyrý» shyǵarmashylyq birlestigin qurǵan Qudash Nursadyqov. О́ner dese, ómeshegi úzilip tu­ra­tyn ol osydan eki-úsh jyl buryn sýretshilerdi bir ar­naǵa toǵystyryp, birlestik qurdy. Ony «Jańǵyrý» dep atady. Ondaǵy maqsaty – talanty bola tura kórine almaı júrgen jas qylqalam sheberlerin shyńdaý edi. «Qa­zaq­tyń ónerli jastary az emes. Biraq qoǵamda kórine al­maı júr. «Jalǵyzdyń úni shyq­paıdy...» demekshi, bárimiz birigip is qylsaq, berekeli bolar dep oıladym. Birlestikti «Jańǵyrý» dep ataǵanymyz, osynaý sýret ónerin óńirimizde jańǵyrtaıyq, jańartaıyq dedik. Oıymyz, armanymyz júzege asyp keledi», deıdi alpys­tyń asqaryna shyqqan sýretshi Q.Nursadyqov.

Az ýaqyttyń ishinde «Jań­ǵyrý» shyǵarmashylyq birles­tigi birneshe ret salmaqty, tanymdyq taqyrypta sýret kór­melerin ótkizdi. Erek­she aıta keterligi, Alash qaı­rat­­­kerlerine arnalǵan kór­meni kórýge kelgen halyqta esep bolmaǵan. О́skemende bu­­ryn-sońdy ótkizilmegen bul taqyryptaǵy kórme kóp­shi­­likti rýhtandyrǵandaı, ji­gerlendirgendeı boldy.

Al búgingi Qudash Nursa­dyqovtyń mereıtoılyq kórme­sinde peızajdar, por­tret­ter, sıýjettik kó­rinis­terdi kórer­men nazaryna usy­nylǵan. Qyl­qalam she­beriniń kartınalarynan ult­tyq qundylyqtyń da ıisi ańqıdy. 1984 jyly Semeı pedagogıkalyq ınstı­tý­tynyń grafıka fakýl­tetin támamdaǵan Qudash Dáýlet­qanuly osy ýaqytqa deıin bir sátke qylqalamyn qolynan tastamaǵan. Onyń salǵan sýretteriniń sany myńnan asady. 2014 jáne 2015 jyldary Qytaı men Birikken Arab Ámir­likterindegi halyq­aralyq kór­melerge, 2019 jáne 2021 jyl­dary Kıpr men Túrkistanda ótken sım­po­zıýmdarǵa qatysty. Bú­ginde ol «Sýret» balalar stýdııa­synda ustazdyq etedi. Q.Nur­­sadyqovtyń jáne «Jań­­ǵyrý» birlestiginiń shyǵar­mashylyq kór­mesin tamashalaımyn de­se­ńiz, oblystyq óner mýzeıiniń esigi árqashan ashyq.

Shyǵys Qazaqstan oblysy