Rım Papasy Fransısktiń qatysýymen ótetin messaǵa 3 myńnan astam adam qatysady. Bul týraly QR SIM resmı ókili Aıbek Smadııarov vedomstvoda ótken brıfıngte málimdedi, dep habarlaıdy Egemen.kz.
Aıbek Smadııarov Rım Papasy ótkizetin messaǵa kimder qatysatynyn aıtty.
«Messaǵa 3 myń oryn qarastyrylǵan, olardyń basym bóligi Ortalyq Azııa óńirinen jáne basqa da jaqyn elderden kelgen qajylar», dedi SIM ókili.
14 qyrkúıekte Rım Papasy Fransısk ondaǵan myń dindar katolıkter, onyń ishinde Nur-Sultan qalasyna keletin qajylar úshin duǵa (qasıetti messa) ótkizedi.
Sapardyń sońǵy kúni ol Álemdik jáne dástúrli dinder lıderleriniń VII seziniń jabylýyna, sondaı-aq onyń qorytyndy deklarasııasynyń qabyldanýyna qatysýdy josparlap otyr.