* Qazaqstanda kapıtaldy zańdastyrý 1 qyrkúıekten bastalady. Ol 2015 jyly 31 jeltoqsanda aıaqtalady. Premer-Mınıstrdiń orynbasary – Qarjy mınıstri Baqyt Sultanovtyń aıtýynsha, zań jobasynda múlikti jarııa etýdiń negizgi qaǵıdalary aıqyndalǵan.
* Azyq-túlik korporasııasy Soltústik Qazaqstan oblysynan astyq satyp alýǵa 3,3 mlrd. teńge bóldi. Bul týraly málim etken oblystyq fılıal dırektorynyń orynbasary Ablan Esentaev onyń aldyn ala baǵasy tonnasyna 20 myń teńgeden ekenin de aıtyp otyr. Búginge deıin aımaqtaǵy aýyl sharýashylyq taýaryn óndirýshilerden 70 myń tonnaǵa ótinish túsken.
* Pavlodarda «Qazaqstannyń úzdik taýary» kórme-baıqaýy ótedi. Shilde aıyna josparlanyp otyrǵan baıqaý aıasynda qalanyń ortalyq alańynda aýqymdy halyqtyq jármeńke uıymdastyrylady. Sharaǵa qatysatyn otandyq taýar óndirýshiler 3 nomınasııa boıynsha synǵa túsedi.
* Qyzylordada jylyna 6 myń tonna et shyǵaratyn qus zaýyty salynady. Osyǵan oraı «Baıqońyr» ÁKK men «Baıqońyr» UK birlesken shaǵyn market ashý jobalary qoldaý tapty.
* «Bekire-2014» reıdi kezinde Jaıyq-Kaspıı basseıninen 25 tonnadan astam balyq alyndy. Sáýirdiń 1-nen bastalǵan aksııa quqyq buzýshylyqtyń 725 faktisin anyqtady. Ákimshilik jaýapkershilikke 551 adam tartylyp, 78 qylmystyq is qozǵaldy.
«QazAqparat»,
«Qazaqstan jańalyqtary», Egemen.kz habarlary boıynsha daıyndaldy.