Qazaqstandyq talantty ánshi Nurjas Sadyrbaev «Voice Beyond Horizon» halyqaralyq jobasynda jeńiske jetti. Premer-mınıstrdiń orynbasary – Mádenıet jáne aqparat mınıstri Aıda Balaeva áleýmettik jelidegi paraqshasynda óner ıesin quttyqtady, dep jazady Egemen.kz.
«Talantty ánshi Nurjas Sadyrbaevty «Voice Beyond Horizon» halyqaralyq jobasyndaǵy jarqyn jeńisimen shyn júrekten quttyqtaımyn!
Nurjastyń talanty, eńbegi men sahnadaǵy sheberligi álemniń ár elinen kelgen qatysýshylar arasynda erekshe tanylyp, laıyqty túrde joǵary baǵalandy.
Dımash Qudaıbergenniń bastamasymen iske asqan joba Túrkistan qalasynda bastaý alyp, Aqtaý men Almatyda jalǵasyp, elordada qorytyndylandy. Qytaı, Qazaqstan, Malaızııa, Serbııa, Italııa jáne Qyrǵyzstan elderinen kelgen qatysýshylar Qazaqstannyń kıeli jerlerin birge aralap, halqymyzdyń mádenıetimen, tarıhymen jáne elimizdiń baı tabıǵatymen tanysty.
О́ner jolynda tabandy eńbek etip, elimizdiń mádenıetin álemge tanytyp júrgen jas daryn ıesine aldaǵy ýaqytta da jańa shyǵarmashylyq jetistikter tileımin. Qazaq óneriniń kókjıegi keńeıe bersin!», dedi Aıda Balaeva.
Eske sala keteıik, 5 aqpan kúni Almaty qalasyndaǵy Balýan Sholaq atyndaǵy Sport saraıynda Dımash Qudaıbergenniń myńdaǵan jankúıeri óner ıesimen birge «Voice Beyond Horizon» atty aýqymdy premerasynyń alǵashqy epızodyn tamashalaý úshin bas qosty.