Ulttyq statıstıka bıýrosynyń departamenti 2021 jylǵy halyq sanaǵynyń qorytyndysyn jarııalady, dep habarlaıdy Egemen.kz.
Statıstıkalyq málimetterge súıensek, ótken jyly oblysta 540 786 adam turǵan. 2009 jylǵy sanaqpen salystyrǵanda 55,8 myńǵa, ıaǵnı 9,3%-ǵa azaıǵan. Bul rette qala halqy 238,8 myńnan 259,5 myń adamǵa deıin ósti jáne sanaq qorytyndysy boıynsha jalpy sannyń 48 paıyzyn qurady. Osy jyldary aýyl halqynyń úlesi tıisinshe 60%-dan 52%-ǵa deıin tómendedi.
«Soltústik Qazaqstan oblysyndaǵy áıelder burynǵydaı erlerge qaraǵanda kóbirek. Sanaq qorytyndysy boıynsha – 18,9 myń. Erlerdiń úlesi – 48,3%, áıelder – 51,7%. Iаǵnı, oblysta 100 áıelge 93 er adamnan keledi», dedi basqarmadaǵylar.
Bıylǵy jyldyń málimeti boıynsha oblys turǵyndarynyń sany 1 shildede 534 myń adamdy qurady. Onyń ishinde qalalyq – 252,1 myń jáne aýyldyq – 281,9 myń adam.