Jetisý oblysynyń Panfılov aýdanyndaǵy ınvestısııalyq jobalarǵa bólingen 11 myń ga jer memleketke qaıtaryldy. Qazaqstannyń Bas prokýratýrasy 40 jobanyń 9-y iske asyrylmaǵanyn málimdedi, dep habarlaıdy Egemen.kz.
О́ńir turǵyndary mal jaıylymy úshin jer jetispeıtinine birneshe ret shaǵymdanǵan. Prokýratýra qyzmetkerleri Panfılov aýdanynyń jerleri bólingen 40 ınvestısııalyq jobaǵa monıtorıng júrgizdi. Nátıjesinde 11 myń gektar jer ıgerilmegen kúıinde qalǵany anyqtaldy.
«Biz bul jerlerdi vızýaldy tekserýden ótkizdik. Aýmaǵy shamamen 5 myń gektar jáne quny 90 mln teńgege jýyq bes jer ýchaskesi bólindi. Máselen, fırmalardyń biri ınvestısııalyq jobany iske asyrý úshin 8 myń gektar jer aldy. Alaıda olar ıgerilmeı qalǵan», dep habarlady prokýratýradan.
Osylaısha, 11 myń ga jer resmı túrde ınvestısııalanbaǵan dep tanylyp, memlekettik jer qorynyń balansyna qaıtaryldy.