Mańǵystaýda jyl basynan beri kóshi-qon zańnamasyn buzǵandardan 13 mln teńgeden astam aıyppul óndirildi, dep habarlaıdy Egemen.kz Polisia.kz-ke silteme jasap.
Bıyl kóshi-qon salasynyń qyzmetkerleri el aýmaǵynda bolý zańnamasyn jáne basqa da ákimshilik quqyq buzǵan bes myńnan astam sheteldikti jaýapkershilikke tartqan. Tártip saqshylarymen ákimshilik jaýapqa tartylǵan sheteldikterden 13 mln teńgeden astam aıyppul óndirildi. Sondaı-aq, 407 sheteldik el aýmaǵynan shyǵaryldy. Al alıment tóleýden jaltaryp júrgen izdestirýdegi 95 azamattyń 78-i anyqtaldy.
Budan bólek, tirkeýde turǵan 115 boryshkerdiń 93-i jaýapqa tartylǵan.