ASTANA. 15 mamyr. Qyzylordada synaby bar shamdar men qurylǵylardy qaıta óńdeý sehy salynady. Bul týraly oblystyq kásipkerlik jáne týrızm basqarmasynyń basshysy Telman Súleımenov habarlady.
«Bıznestiń jol kartasy - 2020» baǵdarlamasy aıasynda jeke kásipker Qaırat Nurekeshov óndiris ashý úshin 6 mln. teńge kóleminde qaıtarymsyz grantty jeńip aldy. Seh qorshaǵan ortaǵa qaýipsiz synap óndiretin Reseıden shyqqan «Elektron-2 ámbebap» qurylǵysymen qamtamasyz etilgen. Qurylǵy kúnine 500 shamǵa deıin qaıta óńdeıdi. Quramynda synaby bar qurylǵyny qaıta óńdeý kezinde ol hımııalyq turǵydan zalalsyzdandyrylady. Kásipkerdiń aıtýynsha, qaldyqtar tas tóseýish shıkizat retinde qurylysqa paıdalanylady nemese polıgonǵa kómiledi.
«Elektr energııasyn únemdegish shamdar búginde memlekettik mekemeler bolsyn, qarapaıym turǵyndardyń páterinde bolsyn, barlyq jerde qoldanysta. Qazirgi ýaqytta biz qaladaǵy birneshe mekemelermen kelisimshart jasastyq», - dedi Q.Nurekeshov.
Murat Aıtqoja.
Derekkóz: Qyzylorda oblystyq kásipkerlik jáne týrızm basqarmasy.
Foto: www.adex.ru.