1967 jyly qurylyp, 1997 jyly taratylǵan «Eńbek» fýtbol klýby Ulytaý oblysynda qaıta qurylýy múmkin, dep habarlaıdy Egemen.kz ákimdik taratqan aqparatqa silteme jasap.
Aımaq basshysynyń orynbasary Ǵ.Qusmanǵalı Qazaqstan fýtbol federasııasynyń prezıdenti A. Barmenqulovpen kezdesý ótkizdi. Kezdesý barysynda óńirdegi fýtboldy damytý perspektıvalary talqylanǵan.
«Atap aıtqanda, taraptar balalar fýtbolyn damytýdyń, kadrlar daıarlaýdyń, ınfraqurylym qurýdyń, sondaı-aq «Eńbek» klýbyn jandandyrýdyń ózekti máselelerin talqylady. Kezdesý qorytyndysy boıynsha oblysta fýtboldy damytýdyń birlesken baǵdarlamasyn ázirleý týraly sheshim qabyldandy», dep jazylǵan habarlamada.