16 qyrkúıek kúni saǵat 10:00-de qyrǵyz-tájik shekarasynda bolǵan oqıǵadan zardap shekken 11 adam Batken oblystyq aýrýhanasyna tústi, dep habarlaıdy Egemen.kz Batken oblysynyń densaýlyq saqtaý úılestirýshisine silteme jasap.
Onyń aıtýynsha, jaralylardyń jaǵdaıy men dıagnozy týraly aqparat keıinirek beriledi.
«Batken oblysynyń barlyq densaýlyq saqtaý uıymdary men jedel járdem qyzmeti kúsheıtilgen jumys rejımine kóshirildi. Aýrýhanalarda medısınalyq kómek kórsetý úshin qan komponentteriniń, dári-dármek pen medısınalyq buıymdardyń jetkilikti kólemi bar», delingen habarlamada.