Qazaqstan Prezıdenti Qasym-Jomart Toqaev ShYU-ǵa múshe memleketter basshylary Keńesiniń keńeıtilgen quramdaǵy otyrysynda uıymnyń bedeli jaıly sóz qozǵady, dep habarlaıdy Egemen.kz Prezıdenttiń baspasóz qyzmetine silteme jasap.
«Men joǵaryda aıtqandaı, bizdiń uıymnyń ıdeıalyq jáne ınstıtýsıonaldyq negizderinde kereǵarlyq pen bloktarǵa bólinýshilik joq. Bul ShYU-nyń halyqaralyq bedeli men tanymaldyǵynyń artýyna yqpal etti. Sonyń arqasynda uıym eń tabysty birlestikke aınaldy. Sondyqtan ShYU úderisine qatysatyn elderdiń geografııasy jyldan jylǵa keńeıip keledi. Bul – Uıymnyń joǵary suranysqa ıe ekeniniń aıqyn dáleli. Meniń pikirimshe, ShYU qazir álemdegi eń tabysty halyqaralyq uıym», dedi Memleket basshysy.