Densaýlyq saqtaý mınıstri Ajar Ǵınııat medısına qyzmetkerleriniń aǵattyǵynan zardap shekken qazaqstandyqtar qandaı ótemaqy ala alatynyn aıtty, dep habarlaıdy Egemen.kz.
«Bul usynys. Zań jobasy áli qarastyrylady. Halyqaralyq tájirıbe kórsetkendeı, saqtandyrý kompanııalary naýqastyń qansha qarajat jumsaǵanyn jáne qandaı shyǵyn bolǵanyn anyqtaıdy», dep atap ótti Ajar Ǵınııat Májilis otyrysynda.
Mınıstr saqtandyrý jarnasynyń mólsheri medısınalyq qyzmetkerdiń jaýapkershilik dárejesin eskere otyryp, beıindi baǵyttaǵy saqtandyrýdyń bekitilgen tarıftik mólsherlemeleri jáne jalaqy negizinde aıqyndalatynyn atap ótti.
Saqtandyrýshynyń saqtandyrý jaǵdaıy boıynsha jaýapkershiliginiń shekti kólemi «Kólik quraldary ıeleriniń AQJ mindetti saqtandyrý týraly» Qazaqstan zańyna uqsas eseptelgen.
Osylaısha, naýqastyń ómirine nemese densaýlyǵyna keltirilgen zııan úshin:
О́lim jaǵdaıynda - 1 myń AEK (3 063 000 teńge); Birinshi toptaǵy múgedektik anyqtalǵan jaǵdaıda - 800 AEK (2 450 400 teńge); Ekinshi toptaǵy múgedektik anyqtalǵan jaǵdaıda - 600 AEK (1 837 800 teńge); Úshinshi toptaǵy múgedektik anyqtalǵan jaǵdaıda - 500 AEK (1 531 500 teńge) ; Balada múgedektik anyqtalǵan jaǵdaıda - 500 AEK (1 531 500 teńge); Múgedektik belgilenbeı densaýlyqqa zaqym keltirý - pasıentti ambýlatorııalyq nemese stasıonarlyq emdeýdiń naqty shyǵystary mólsherinde - 300 AEK (918 900 teńge).Aıta ketsek, búgin Densaýlyq saqtaý mınıstri Ajar Ǵınııat Májilis depýtattaryna «Qazaqstan Respýblıkasynyń keıbir zańnamalyq aktilerine densaýlyq saqtaý máseleleri boıynsha ózgerister men tolyqtyrýlar engizý týraly» zań jobasyn usyndy.