Ortalyq saılaý komıssııasy tóraǵasynyń orynbasary Konstantın Petrov Qazaqstan Prezıdenttigine óz kandıdatýrasyn usynatyn úmitkerlerge qoıylatyn talaptardy atady, dep habarlaıdy Egemen.kz.
«Prezıdent laýazymyna kandıdattardy usyný saılaý taǵaıyndalǵan kúnnen keıingi kúnnen, ıaǵnı 23 qyrkúıekten bastalyp, 11 qazanda saǵat 18:00-de aıaqtalýy tıis», dedi Konstantın Petrov.
Konstıtýsııada jáne saılaý týraly Konstıtýsııalyq zańda kandıdatqa kelesi talaptar qoıylady:
Qazaqstan azamattyǵy; Sońǵy 15 jylda Qazaqstan aýmaǵynda turý; Joǵary bilim; Jasy 40-tan kem emes; Belsendi saılaý quqyǵyna ıe bolý; Memlekettik qyzmettegi nemese saılanbaly laýazymdardaǵy jumys tájirıbesi 5 jyldan kem bolmaýy tıis; Memlekettik tildi erkin meńgerý.Konstantın Petrov búgingi tańda saılaý jarnasynyń mólsheri 3 mıllıon teńgeni quraıtynyn qosa habarlady.