Astana qalasynda sheteldik ınvestorlardyń esebinen jel elektr stansııasynyń qurylysyn bastaý máselesi talqylandy. Bul jańalyqty elorda ákimi Altaı Kólginov óziniń áleýmettik jelidegi paraqshasynda habarlady, dep jazady Egemen.kz.
«Bul máseleni Italııanyń ENI munaı-gaz kompanııasymen («Arm Wind» JShS), Qazaqstan Energetıka mınıstrligi ókilderimen birlese pysyqtap jatyrmyz», dep jazdy qala basshysy.Ákimniń aıtýynsha, birinshi kezeńde jel elektr stansııasynyń qýaty 50 MVt bolady, al odan ári 100 MVt-tan asa ulǵaıtylady. Jańartylatyn energııa kózderi salasyndaǵy bul joba elektr energııasynyń qosymsha mańyzdy kólemin óndirip alýǵa múmkindik beredi.
Jel elektr stansııasynyń qurylysyna tartylatyn sheteldik jeke ınvestısııalar somasy shamamen 50 mlrd teńgege jýyqtaıdy. Qazirgi ýaqytta jobanyń tehnıkalyq-ekonomıkalyq negizdemesi ázirlenip jatyr.«Memleket basshysy jańartylatyn energııa kózderi sektoryn keńeıtýdiń jáne elimizdiń elektr energetıkasy salasyn damytýdyń erekshe mańyzdylyǵyna toqtalyp ótti. Sebebi qazir energetıka el ekonomıkasynda negizgi ról atqarady. Prezıdent elimizdegi «jasyl» tehnologııalardyń úlesi 2030 jylǵa qaraı 15%-ǵa deıin artýy tıis ekenin qadap aıtqan edi», dep jazdy Altaı Kólginov.