Aqtaý teńiz porty keden beketi basshysynyń orynbasary para aldy degen kúdikpen ustaldy, dep habarlaıdy Egemen.kz Mańǵystaý oblystyq prokýratýrasyna silteme jasap.
Sybaılas jemqorlyqqa qarsy is-qımyl agenttigi Aqtaý teńiz porty keden beketiniń birneshe laýazymdy tulǵasyna qatysty tekseris júrgizip jatyr.
Kúdikti deklaranttardyń kedendegi ókilderinen aqsha alǵan. Qarjy kólemi ázirge naqtylanbaǵan. Basty kúdikti 2 aıǵa qamaýǵa alyndy.
«Tergeý barysynda keden beketi basshysynyń orynbasary áshkerelendi. 10 qyrkúıekte sot oǵan qatysty kúzetpen ustaý túrindegi bultartpaý sharasyn sanksııalady», dedi Mańǵystaý oblysy prokýratýrasynyń aǵa prokýrory Áset Bekqaıyrov.