Aqmola oblysynda jol apaty saldarynan 3 adam kóz jumdy, dep habarlaıdy Egemen.kz.
Sondaı-aq zardap shekken 2 adam aýrýhananyń jansaqtaý bóliminde jatyr.
Oblystyq Polısııa departamenti baspasóz qyzmetiniń málimetinshe, jol apaty 24 qyrkúıekte «Stepnogor – Zavodskoı» jolynda bolǵan.
«Anyqtalǵanyndaı, Zavodskoı baǵytynda júrip bara jatqan «Lada Kalina» kóligi joldyń qarsy baǵytyna shyǵyp ketip, «Nissan Teana» kóligimen betpe-bet soqtyǵysqan. Saldarynan «Lada Kalina» kóligi órtenip, júrgizýshisi men eki jolaýshysy kóz jumdy. Al, «Nissan Teana» kóliginiń júrgizýshisi men jolaýshysy Stepnogor qalalyq aýrýhanasynyń jansaqtaý bólimine jatqyzyldy», dedi vedomstvodan.
Departamenttiń baspasóz qyzmetiniń aqparatynsha, qazir bul derek QK-tiń 345-babynyń 4-bóligi boıynsha sotqa deıingi tergeýdiń biryńǵaı tizilimine alyndy.