Japonııa sanksııalar tizimine 21 reseılik kompanııany qosty, dep habarlaıdy Egemen.kz.
«Jańa sanksııalar qorǵanys ónerkásibine qatysy bar 21 uıymǵa qatysty. Sondaı-aq hımııalyq qarýdy óndirýge baılanysty taýarlardy jetkizýge tyıym salýdy engizedi. Shekteýler 3 qazanda kúshine enedi», dep jazylǵan Japonııanyń ekonomıka, saýda jáne ónerkásip mınıstrliginiń saıtynda.
Eksportqa tyıym salynǵan uıymdardyń qatarynda «Moselektronproekt» AQ, «Etalon» NPO, «Energııa» AQ, «VO Mashprıborıntorg» AQ, «Informakýstıka» AQ, «Salıýt» zaýyty, A.I.Alıhanov atyndaǵy «Kýrchatov ınstıtýty» ulttyq ǵylymı-zertteý ortalyǵy» teorııalyq jáne eksperımenttik fızıka ınstıtýty bar.
Buǵan deıin Syrtqy ister mınıstri Iosımasa Haıashı ótken aptada Nıý-Iorkte «Jetilik» tobynyń áriptesterimen kezdesýinde Reseıge qarsy sanksııalardy keńeıtý nıeti baryn málimdegen.