Abaı oblysynyń «Tarbaǵataı» ulttyq parkinde sabanshy mysyq kadrǵa ilindi. Orman sharýashylyǵy jáne janýarlar dúnıesi komıtetiniń Instagram paraqshasynda sırek kezdesetin jyrtqyshtyń sýretteri paıda boldy, dep habarlaıdy Egemen.kz.
Manýl nemese sabanshy mysyq - Qazaqstanda sırek kezdesetin jyrtqysh ári jasyryn ań. Sabanshylar negizinen shól dalada tirshilik etedi. Inin jartas arasyna salady, keıde iri kemirgishterdiń inderin de mekendeıdi.
«Mysyqtar tuqymdasyna jatatyn janýar denesiniń bir sharshy santımetrinde 9 myńǵa deıin túk ósýi múmkin. Sondyqtan olar -50°C sýyqqa shydaıdy», delingen komıtet habarlamasynda.
Aıta ketsek, 1976 jyldan bastap Qazaqstanda bul janýarlardy aýlaýǵa tyıym salyndy.