Indýstrııa jáne ınfraqurylymdyq damý mınıstrligi Azamattyq avıasııa komıtetiniń tóraǵasy Talǵat Lastaev Ulybrıtanııanyń Qazaqstandaǵy Tótenshe jáne О́kiletti elshisi Ketı Lıchpen kezdesti. Kezdesý barysynda taraptar elder arasyndaǵy azamattyq avıasııa salasyndaǵy yntymaqtastyq pen turaqty áýe reısteriniń sanyn arttyrýdy talqylady, dep habarlaıdy Egemen.kz mınıstrliktiń baspasóz qyzmetine silteme jasap.
Komıtet tóraǵasy qazaqstandyq azamattyq avıasııa salasynyń búgingi ahýaly jaıynda jáne aldaǵy josparlary týrasynda áńgimeledi. Al Ketı Lıch «Klımattyq ambısııalar úshin halyqaralyq avıasııalyq koalısııa» jobasyna qoldaý kórsetýge shaqyrdy. Bul joba Ulybrıtanııanyń bastamasymen júzege asyrylýda. Osy rette aıta keterligi, Klımattyq ambısııalar úshin halyqaralyq avıasııalyq koalısııanyń quramyna ICAO uıymynyń jahandyq jetekshiligimen jumys isteıtin elder toby kiredi. Koalısııa klımattyq ambısııalardy arttyrýdyń jalpy maqsatyna jetýdi kózdeıdi.
О́z kezeginde qazaqstandyq tarap qorshaǵan ortaǵa keri áserdi azaıtýǵa múddeli ekendigin jáne bul máseleni barlyq yntaly taraptar men ulttyq múddelerdi eskere otyryp jan-jaqty qaraýǵa daıyn ekendigin jetkizdi.
Sonymen qatar kezdesý barysynda bıyl 27 qyrkúıek pen 7 qazan aralyǵynda ótetin Halyqaralyq Azamattyq avıasııa uıymy (ICAO) Assambleıasynyń 41-shi sessııasynyń kún tártibindegi máselelerdi nazarǵa aldy. Budan bólek, elder arasyndaǵy 2022-2023 jyldardaǵy kúzgi-qysqy navıgasııa kezeńindegi kúndelikti turaqty reısterdiń sanyn arttyrý jaıy da qarastyryldy.