Memleket basshysy Reformalar jónindegi joǵary keńestiń kezekti otyrysynda oqý materıaldaryn sıfrly formatqa aýystyrýdy jedeldetýdi tapsyrdy, dep habarlaıdy Egemen.kz Prezıdenttiń baspasóz qyzmetine silteme jasap.
«Ǵımarattar men synyptar ǵana emes, sondaı-aq muǵalimderdi daıarlaý júıesi jáne oqý baǵdarlamalary eń joǵary standarttarǵa sáıkes kelýi tıis. Taǵy bir mańyzdy másele. Balalar oqýlyqqa toly aýyr sómke tasýǵa májbúr degen shaǵymdar kóptep túsedi. Bul balalardyń densaýlyǵyna keri áserin tıgizetini anyq. Sondyqtan oqý materıaldaryn sıfrly formatqa aýystyrýdy jedeldetý qajet dep sanaımyn. Jalpy, barlyq oqytý úderisin barynsha sıfrlandyrý qajet», dedi Qasym-Jomart Toqaev.