Sıfrlyq damý mınıstri Baǵdat Mýsın Instagram-daǵy paraqshasynda Qazaqstandyq HQKO-larda adamdardyń toptalýy máselesi ishinara sheshilgenin aıtty, dep habarlaıdy Egemen.kz.
Mınıstr Reseıden kelgen azamattar úshin «Jastar» saraıynda ashylǵan HQKO-daǵy jaǵdaıdy teksergenin aıtty.
Vedomstvo basshysynyń aıtýynsha, HQKO-lardyń júktemesin azaıtý úshin qazaqstandyqtar qyzmetterdi kedergisiz, shtattyq rejımde ala alady.
«Búgingi kúnge deıin úrdis kelesideı boldy: adamdar HQKO-ǵa keledi, qujattardy usynady, olardyń derekteri bazaǵa engiziledi, al kelesi kúni JSN alý úshin HQKO-ǵa qaıta barady. Bul olardyń da, HQKO operatorlarynyń da ýaqytyn alady», dedi Baǵdat Mýsın.
Vedomstvo basshysy endi JSN SMM arqyly jiberiletinin aıtty.
«Endi JSN alýǵa ótinish bergen adamdarǵa ekinshi ret kelýdiń qajeti joq, JSN adamdarǵa telefon nómirine 1414 qyzmetinen SMM-habarlama túrinde jiberiletin bolady. Bul daıyn JSN alý úshin kezekte turǵan barlyq HQKO klıentterine qatysty. Osylaısha, HQKO júktemesine qatysty másele ishinara sheshildi dep aıtýǵa bolady», dedi mınıstr.