IV Dúnıejúzilik kóshpendiler oıyndarynda at ústinde sadaq atý (jamby atý) sporty boıynsha jarystar aıaqtaldy, dep habarlaıdy Egemen.kz.
Túrkııanyń Iznık qalasynda ótip jatqan halyqaralyq dodaǵa álemniń 21 elinen 75 mergen kelgen bolatyn.
Úsh stıl boıynsha jarysta qazaqstandyq sportshylardan jamby atýdan Álem chempıony Eralhan Aıkóz úzdikter qatarynan kórindi.
Eralhan «qabaq» atýdan (túrik stıli) kúmis júlde ıelense, «tabla» atýdan (túrik stıli) qola júlde aldy.
Vengr stılinde nysanadan múlt ketken Eralhan jalpy esepte (úsh stıldi qosqanda) besinshi orynǵa turaqtady.
Ulttyq qurama múshelerin jamby atýdaǵy jetistikterimen shyn júrekten quttyqtaımyz!