Indonezııada, Iаva aralynda ótken fýtbol matchynda 129 adam qaza boldy, dep habarlaıdy Egemen.kz.
Malang qalasynda «Arema» men «Persebaya Surabaya» fýtbol quramasy oınaǵan. Arema klýbynyń jankúıerleri 3:2 esebimen jeńilgennen keıin alańda tóbeles bastady.
Malang shtatynyń densaýlyq saqtaý basqarmasynyń basshysy Vııanto Vııoıo 120-dan astam adamnyń qaıtys bolǵanyn, sondaı-aq bılik qurbandardyń sanyn áli de sanap jatqanyn aıtty.
Jergilikti Densaýlyq saqtaý mınıstrliginiń aıtýynsha, olardyń kópshiligi stadıondy tastap ketpek bolǵan kezde taptalyp qalǵan.
Indonezııa fýtbol qaýymdastyǵy (PSSI) fýtbol matchtaryn bir aptaǵa toqtatty, Arema fýtbol klýbyna maýsymnyń sońyna deıin match ótkizýge tyıym saldy jáne tóbelestiń sebebin anyqtaý úshin Malang qalasyna tergeý tobyn jiberetinin aıtty.