4 qazanda Parıj qalasyndaǵy IýNESKO shtab-páterinde kórnekti qoǵam qaıratkeri, lıngvıst jáne jazýshy Ahmet Baıtursynulynyń 150 jyldyq mereıtoıyna arnalǵan «dóńgelek ústel» ótedi. Bul týraly Syrtqy ister mınıstrliginiń resmı ókili Aıbek Smadııarov málimdedi, dep habarlaıdy Egemen.kz.
Is-sharaǵa Qazaqstan Ǵylym jáne joǵary bilim vıse-mınıstri Talǵat Eshenqulov, IýNESKO Bas dırektorynyń orynbasary, sonymen birge Ázerbaıjan, Qazaqstan, Túrkııa jáne Germanııa ǵalymdary qatysady dep kútilýde.
Sol kúni opera jáne estrada ánshisi Roza Baǵlanovanyń 100 jyldyq mereıtoıyna oraı «Sazgen sazy» etno-folklorlyq ansambli, halyq ártisi Nurjamal Úsenbaeva, Qazaqstannyń eńbek sińirgen qaıratkerleri Medet Chotabaev, Jubanysh Jeksenuly, Renat Gaısın, sondaı-aq halyqaralyq baıqaýlardyń laýreaty Erke Esmahannyń qatysýymen saltanatty konsert ótedi.
Eske sala ketsek, ótken jyly IýNESKO Bas konferensııasynyń 41-shi sessııasynda bul eki mańyzdy kún IýNESKO-nyń 2022-2023 jyldarǵa arnalǵan ataýly kúnder tizimine engizilgen.