Ulttyq statıstıka bıýrosynyń málimetinshe, qyrkúıek aıynda abattandyrylǵan turǵyn úıdi jalǵa alý baǵasy jyldyq mánde 47,2%-ǵa ósti, dep habarlaıdy Egemen.kz.
Máselen, qyrkúıekte turǵyn úıdiń bir sharshy metrin jaldaý aqysynyń ortasha baǵasy 4 612 teńgeni qurady, tamyzda bul baǵa 4 029 teńgege teń bolǵan.
Bul rette turǵyn úıdi jalǵa alýdyń eń joǵary baǵasy Almatyda tirkelgen - 5 611 teńge/m2.
Sondaı-aq Astana jáne Aqtaý qalalarynda joǵary baǵalar baıqalady: tıisinshe 4 485 tg/m2 jáne 3 253 tg/m2.
Jalǵa beriletin turǵyn úıdiń eń tómen baǵasy Qyzylorda – 1 797 tg/m2, Taraz – 1 809 tt/m2 jáne Jezqazǵan – 1 845 tg/m2 qalalarynda tirkelgen.
Statıstıka habarlaǵandaı, bir aıda Qostanaıda abattandyrylǵan turǵyn úıdi jalǵa alý birden 42,6%-ǵa qymbattady. Petropavlda da turǵyn úıdi jalǵa alý baǵasy 27%-ǵa ósti. Kóshbasshylar úshtigine Qaraǵandy qalasy da kirdi, onda bir aıda turǵyn úıdi jalǵa alý baǵasy birden 21%-ǵa ósti.
Sonymen qatar Túrkistanda – 0,6%-ǵa, Taldyqorǵanda – 3,5%-ǵa, Shymkentte - 3,9%-ǵa jáne Qyzylordada - 4,3%-ǵa jalǵa beriletin turǵyn úı baǵasynyń shamaly ózgeristeri baıqaldy.
Buǵan deıin qyrkúıek aıynda jyldyq ınflıasııa 17,7%-dy quraǵany habarlanǵan edi, tutyný baǵalary ındeksiniń qurylymynda bir jyl ishinde aqyly qyzmetter 12,3%-ǵa qymbattady.