Prezıdent Qaraǵandy oblysynyń jurtshylyǵymen kezdesýinde aımaqtaǵy jeńildetilgen ıpoteka baǵdarlamasyn ózge óńirlerde de qoldanýdy usyndy, dep habarlaıdy Egemen.kz.
«Jastar bastapqy jarna retinde baspana qunynyń 10 paıyzyn salyp, 19 jylǵa ıpotekalyq nesıe alýyna bolady. Jylyna 5 paıyzdyq ósimmen 20 mıllıon teńgege deıin beriledi. Bul ıpotekany muǵalimder, dárigerler, mádenıet, sport jáne áleýmettik sala qyzmetkerleri, jýrnalıster jáne joǵary oqý oryndarynyń oqytýshylary ala alady. Bıyl 75 nesıe berildi», dedi Qasym-Jomart Toqaev.
Osy rette Memleket basshysy atalǵan baǵdarlamanyń bıýdjetin kóbeıtip, jeńildetilgen nesıeniń sanyn arttyrý keregin aıtty.
«Bul – jergilikti jas otbasylardy, jas mamandardy qoldaýǵa arnalǵan tıimdi ádis. Olar basqa aımaqtarǵa kóshpeı, týǵan jerinde eńbek etýge jaqsy múmkindik alady. Mundaı tásildi ózge oblystar da qoldanýy kerek», dedi ol.