Shetelde júrgen qazaqstandyq jastar sol jaqtan el múddesine qyzmet jasaı alady. Bul týraly Prezıdent Qasym-Jomart Toqaev Pavlodar oblysynyń jurtshylyǵymen kezdesýinde aıtty, dep habarlaıdy Egemen.kz.
«Jas urpaq aǵa býynnyń ómir jolynan taǵylym ala bilgeni jón dep sanaımyn. Jastarymyzdyń kez-kelgen sátte elge oralýyna múmkindik bar. Tipti, shetelde júrse de sol jaqtan el múddesine qyzmet jasaı alady. Biz olarǵa memleketshildik rýhyn sińirip, el ıgiligine qyzmet etýge jumyldyra bilýimiz kerek. Búgingi jastar zaman talabyna tez beıimdele alady. Olardyń órshil ıdeıalary men erik-jigeri – Qazaqstandy damytatyn basty kúsh. О́skeleń urpaqtyń osy áleýetin durys arnaǵa baǵyttaý – bizdiń mindetimiz», dedi Memleket basshysy.