Úndistannyń soltústigindegi Ýttarakhand shtatynda avtobýs shatqalǵa qulap, 20 adam qaza tapty. 21 adam jaraqat alǵan, dep habarlaıdy Egemen.kz.
Seısenbi kúni keshke Ýttarakhandtyń Paýrı Garhval aýdanynda 40-tan asa jolaýshysy bar avtobýs tereńdigi birneshe júz metrlik shatqalǵa qulap ketkeni habarlandy. Jergilikti polısııa men tótenshe jaǵdaılar qyzmeti oqıǵa ornyna dereý jetken. Qazirgi ýaqytta 20 qurbannyń denesi tabyldy, 21 adam qutqaryldy. Izdeý jumystary jalǵasýda.
Úndistannyń premer-mınıstri Narendra Modı áleýmettik jelide qaza bolǵandarǵa kóńil aıtyp, úkimettiń qaza tapqandardyń otbasylary men zardap shekkenderge qajetti kómek kórsetetinin habarlady.
Ýttarakhand taýly aımaqtarynda mundaı oqıǵalar jıi bolady. Maýsym aıynyń basynda osy shatqaldy avtobýstyń soqtyǵysýy saldarynan 25 adam qaza tapqan edi.