Jaıaýlatqan arbaly jolaýshynynyń Manata asýyna iligip bara jatqanyn kórip, «Aqsaqal aman-saý Aqtaýǵa jaqyndap qalǵan eken» dep ishteı qýanǵanmyn. Qazaqstannyń 20 shaqty qalasyn jaıaý basyp, Mańǵystaý dalasynda uly joldyń ústinde kele jatqan 72 jastaǵy qarııanyń júrisi shıraq kórindi. О́zi ǵana emes, súırep júrgen arba-júgi de bar...
Jol boıyndaǵy aýyldar turǵyndary men kezdesken jolaýshylardyń yqylasyna bólenip, birge sýretke túse júrip 8 myń shaqyrymdy jaıaý eńsergen ulytaýlyq jıhankez Aqtaýǵa jetti. «Ulytaýǵa bardyń ba?..» dep urandatqan qarııanyń aıtýynsha, ol saıahatqa shyǵýdy 6 jyl boıy armandaǵan eken. Biraq tek osy jyldyń naýryzynda ǵana júzege asyrýǵa múmkindik bolǵan. Qarııa osy sapary arqyly birneshe maqsatqa qol jetkizýdi josparlaǵan.
– Birinshi maqsatym – Ulytaý óńiriniń qazaq tarıhynda alatyn ornyn elge nasıhattaý. Ekinshi maqsatym – qazaqtyń ulttyq qolóner sheberlerin túgendep IýNESKO-ǵa engizý. Úshinshisi – umytylyp ketken qazaqtyń ulttyq qymyz meıramyn elge nasıhattap túsindirý, – dedi Sársenbaı Qotyrashev.
Uzaq sapardy aıaqtap, Aqtaýda jýrnalıstermen júzdesken ol sapary barysynda turǵyndar kómekteskenin, ásirese azyq-túlik, sýsyn ákeletinder kóp bolǵandyǵyn, sýretke túsýge qumar balalar sany artqanyn jetkizdi.
Mańǵystaý oblystyq Qoǵamdyq kommýnıkasııa ortalyǵy egde jasta
8 myń shaqyrym joldy júrip ótken adam osy ýaqytqa deıin tirkelmegendikten, 72 jastaǵy Sársenbaı Qotyrashevtyń Gınnestiń rekordtar kitabyna enýi múmkin ekendigin habarlady. Al jıhankez bolsa endi álemdi sharlap, Qazaqstandy tanytýdy armandap júrgenin aıtady.
Mańǵystaý oblysy