Qazaqstan Syrtqy ister mınıstriniń orynbasary Roman Vasılenko Venaǵa jumys sapary aıasynda Aýstrııa resmı ókilderimen birqatar kezdesý ótkizdi, dep habarlaıdy Egemen.kz SIM baspasóz qyzmetine silteme jasap.
Aýstrııa Federaldyq Prezıdentiniń Halyqaralyq ister jónindegi keńesshisi Gerda Foglmen kelissóz barysynda yntymaqtastyqtyń ózekti máseleleri talqylandy.
Kezdesý barysynda Qazaqstandaǵy saıası jáne áleýmettik-ekonomıkalyq reformalarǵa erekshe nazar aýdarylǵan. Syrtqy ister mınıstriniń orynbasary Aýstrııa tarapyn aldaǵy kezekten tys prezıdenttik saılaý, eldiń saıası júıesiniń transformasııasy týraly habardar etti.
Aýstrııa SIM Bas hatshysy Peter Laýnskıı-Tıffentalmen kezdesýde ózekti óńirlik jáne halyqaralyq taqyryptar qozǵalǵan.
«Kelissózder nátıjesinde Qazaqstan men Aýstrııa ókilderi ekijaqty jáne kópjaqty kún tártibiniń barlyq taqyryptary boıynsha tyǵyz baılanystardy jalǵastyrýǵa ýaǵdalasty.
Venada bolý kezinde R. Vasılenko Eýropadaǵy qaýipsizdik jáne yntymaqtastyq uıymynyń ókilderimen kezdesip, uıymnyń halyqaralyq saıasattaǵy róli jáne Qazaqstannyń uıym ınstıtýttarymen yntymaqtastyǵynyń perspektıvalary boıynsha oı bólisti», dep jazylǵan habarlamada.
Sonymen qatar qazaqstandyq dıplomat Aýstrııanyń tanymal basylymdarynyń biri «Die Presse» tilshisine suhbat berdi.