QR Premer-Mınıstri Álıhan Smaıylov áleýmettik mańyzy bar azyq-túlik taýarlary (ÁMAT) baǵalary jáne jańa jumys oryndaryn qurý máseleleri boıynsha keńes ótkizdi, dep habarlaıdy Egemen.kz.
Jıyn barysynda QR SIM Saýda komıtetiniń tóraǵasy Erjan Qazanbaev jyl basynan beri ÁMAT baǵasynyń 19,6%-ǵa, onyń ishinde ótken aptada 0,1%-ǵa kóterilgenin aıtty. О́ńirler boıynsha eń joǵary kórsetkishter Ulytaý, Mańǵystaý jáne Batys Qazaqstan oblystarynda tirkeldi. Alaıda sońǵy ýaqytta elimizde birqatar taýar pozısııalarynyń, sonyń ishinde pııaz ben qant baǵasy tómendep keledi.
Sondaı-aq ol búgingi tańda qaraqumyq, kúrish, kartop, sábiz, kúnbaǵys maıy, áleýmettik nan, un, kespe jáne sút ónimderiniń baǵasyn turaqtandyrý boıynsha keshendi jumys jalǵasyp jatqanyn atap ótti.
Aýyl sharýashylyǵy mınıstri Erbol Qarashókeevtiń aıtýynsha, baǵany turaqtandyrý úshin 186,1 myń tonnaǵa jýyq ÁMAT qory bar. Sonymen qatar óńirlerde kókónisterdi jınaý jumystary jalǵasyp jatyr, bul turaqtandyrý qorlarynyń azyq-túlik bazasyn odan ári ulǵaıtýǵa múmkindik beredi.
Premer-Mınıstr qazirgi ýaqytta bıylǵy eginnen jınalǵan kókónis ónimderiniń baǵasy tómen ekenin atap ótti. Osyǵan baılanysty óńirlerdiń ákimderi turaqtandyrý qorlaryn belsendi túrde tolyqtyrýy qajet.
«Naýryz aıynan maýsym aıyna deıin jalǵasatyn maýsymaralyq kezeńde tapshylyqty boldyrmaý jáne qymbat kókónisterdi syrttan tasymaý úshin qoımalardy qazirden bastap pııaz, kartop, sábiz, qyryqqabatpen toltyrý qajet. Maýsymdyq kezeńde baǵany ıntervensııalaý jáne kókónis baǵasynyń sharyqtap ketýine jol bermeý úshin olardy eń tómen baǵamen satyp alatyn múmkindikti qazirden tıimdi paıdalaný qajet», dedi Álıhan Smaıylov.
Sonymen qatar sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, Strategııalyq josparlaý jáne reformalar agenttiginiń Ulttyq statıstıka bıýrosynyń basshysy Jandos Shaımardanov, qarjy vıse-mınıstri Erjan Birjanov, Mańǵystaý oblysynyń ákimi Nurlan Noǵaev jáne Jambyl oblysynyń ákimi Nurjan Nurjigitov baıandama jasady.
Baıandamashylardy tyńdaı kele Premer-Mınıstr baǵany turaqtandyrýdyń jańa tásilderin iske asyrý aıasynda áleýmettik-kásipkerlik korporasııalardyń shottaryndaǵy qarajatty rezervke qoıyp, olardy óndirýshilerdi qarjylandyrýǵa jiberý qajettigin atap ótti.
Sonymen qatar Premer-Mınıstr Ulttyq statıstıka bıýrosy usynǵan fıskaldyq derekter operatorlary arqyly ınflıasııa monıtorıngi boıynsha jańa tásilderdi qoldady. Onyń aıtýynsha, 2023 jyldyń basynan bastap bastap jańa formatqa kóshý jáne osy proseske tehnıkalyq qoldaý kórsetý úshin jumys júrgizý qajet.
Oǵan qosa, Álıhan Smaıylov Baǵa belgileý tizbegin tekserý jónindegi aımaqtyq komıssııalardy qaıta formattaýdy jedeldetip, Astana qalasynyń, Jambyl, Almaty jáne Qyzylorda oblystarynyń ákimderine saýda ústemesin 15-ten 10%-ǵa deıin tómendetý jónindegi memorandýmdarǵa qol qoıýdy jeke baqylaýǵa alýdy tapsyrdy.
Kún tártibindegi ekinshi másele boıynsha eńbek jáne halyqty áleýmettik qorǵaý mınıstri Tamara Dúısenova baıandama jasady. Ol eńbek naryǵynyń barlyq negizgi kórsetkishteri búgingi tańda turaqty ekenin habarlady. Bul rette memleket sýbsıdııalaıtyn jumys oryndaryn qosqanda, jańa turaqty jumys oryndaryn ashý, bos pozısııalardy jabý, eńbek resýrstarynyń utqyrlyǵyn arttyrý jáne t.b. jónindegi sharalardy iske asyrý jalǵasyp jatyr.
Premer-Mınıstr halyqtyń tabysy men ekonomıkanyń ósýine yqpal etetin eń mańyzdy faktor ol – turaqty jumys oryndaryn qurý ekenin atap ótti.
«Memleket basshysy barlyq aýdandar men qalalardyń ákimderine jyl saıyn árbir 10 myń turǵynǵa keminde 100 jumys ornyn qurýdy tapsyrdy. Alaıda qazir Soltústik Qazaqstan, Pavlodar, Aqmola jáne Qostanaı oblystarynda jumys tıimsiz júrgizilip jatyr», dedi Álıhan Smaıylov.
Onyń aıtýynsha, birqatar oblystarda mindetti zeınetaqy jarnalary boıynsha tómen kórsetkishter baıqalady jáne jalǵan jumysqa ornalasý faktileri anyqtalyp jatyr.
Keńesti qorytyndylaı kele, Premer-Mınıstr ákimderge jumyspen qamtý máselelerin jáne jastar arasyndaǵy jumyssyzdyqty tómendetý jónindegi sharalardy baqylaýdy kúsheıtýdi tapsyrdy.