Búgin Sybaılas jemqorlyqqa qarsy is-qımyl agenttiginiń Prevensııa qyzmetiniń asa mańyzdy ister boıynsha ofıseri Jazıra Jylqyshıeva «Egemen Qazaqstan» RG» JShS qyzmetkerlerine sybaılas jemqorlyqqa qarsy semınar ótkizdi, dep habarlaıdy Egemen.kz.
Is-shara barysynda ANTIKOR ókili Qazaqstannyń memlekettik saıasatynyń negizgi baǵyttarynyń biri - sybaılas jemqorlyqpen kúres ekenin atap ótti.
Semınarda sybaılas jemqorlyqtyń qoǵamdaǵy saldary men onyń zııany jan-jaqty talqyǵa túsip, pikir almasý alańy quryldy.
Sonymen qatar Jazıra Jylqyshıeva sybaılas jemqorlyqqa qarsy is-qımyl sharalarynyń júıesi, atap aıtqanda sybaılas jemqorlyqqa qarsy monıtorıng, sybaılas jemqorlyq táýekelderin taldaý, sybaılas jemqorlyqqa qarsy mádenıetti qalyptastyrý, sybaılas jemqorlyqqa qatysty quqyq buzýshylyqtardy anyqtaý, olardyń jolyn kesý boıynsha aqparat berdi.
Jıyn sońynda semınar qatysýshylaryna Qazaqstan Respýblıkasynyń sybaılas jemqorlyqqa qarsy kúres zańnamasyn saqtaýdyń mańyzy túsindirildi.