Qazaqstannyń Aýyl sharýashylyǵy mınıstri Erbol Qarashókeev Qazaqstanda nan baǵasynyń sharyqtaý sebebin túsndirdi, dep habarlaıdy Egemen.kz.
Mınıstrdiń aıtýynsha, nan baǵasyna quramdas bólikterdiń, elektr energııasynyń, dızel otynynyń jáne kommýnaldyq qyzmetterdiń qymbattaýy sebep bolǵan.
«Qańtar aıynan bastap biz baǵany turaqtandyrý úshin barlyq sharalardy qabyldap jatyrmyz. Jalpy, úlken serpilis úshin eshqandaı sebep joq, óıtkeni ótken jylmen salystyrǵanda bıyl un kóbirek óndiriledi. Bıyl bizde bıdaı kóp», dedi Erbol Qarashókeev.
Onyń aıtýynsha, bıyl AShM turaqtandyrý qoryna 1,1 mln tonna astyq jınaýdy josparlap otyr, onyń 900 myń tonnasy - bıdaı.
«Azyq-túlik korporasııasynda» bar qorlardy eskere otyryp, biz áleýmettik mańyzy bar azyq-túlik ónimderiniń, onyń ishinde áleýmettik unnyń baǵasyn turaqtandyratyn bolamyz», dep qosty mınıstr.
Sondaı-aq mınıstr bıylǵy jyly astyq baǵasy jyldyń ortasymen salystyrǵanda tómendegenin atap ótti.
Buǵan deıin Qazaqstanda nannyń baǵasy bir jylda 19%-ǵa óskeni habarlanǵan edi. Sarapshylardyń aıtýynsha, nannyń baǵasy eldiń barlyq aımaqtarynda birshama qymbattady.