ASTANA. 22 mamyr. Eýrazııalyq ekonomıkalyq odaqtyń Kedendik kodeksin 2016 jyldyń 1 qańtarynda zańdyq kúshine endirýdi qamtamasyz etý josparlanýda. VII Astana ekonomıkalyq forýmy aıasyndaǵy iskerlik kongress barysynda Eýrazııalyq ekonomıkalyq komıssııanyń kedendik yntymaqtastyq mınıstri Vladımır Goshın osylaı dedi. Bul týraly primeminister.kz habarlady.
Vladımır Goshın: «Shilde aıynda Eýrazııalyq ekonomıkalyq odaqtyń Kedendik kodeksiniń jobasyn jasaýdy josparlap otyrmyz. Qyrkúıek aıynyń sońynda Kedendik kodeks jobasyn túzeý jáne resmı memleket ishindegi kelisim ótkizý úshin sarapshylardy jınaý kózdelgen. Ári qaraıǵy jumys 2016 jyldyń 1 qańtarynan bastap qujatqa qol qoıylýyn qamtamasyz etý úshin jalǵasady», – dedi.
Jalpy, Kedendik kodeks zamanaýı talaptarǵa sáıkes bolýy tıis.
Esterińizge sala keteıik, atalǵan qujatty túzý jónindegi alǵashqy is-áreketterdi 2013 jyldyń jeltoqsanynda Eýrazııalyq ekonomıkalyq komıssııanyń jumys toby bastaǵan.
Jıyn barysynda osy Kodeks jóninde óz sózin tolyqtyra túsken V.Goshın qujattyń jobasynda kórinis tapqan jańa tásilderdi atap ótti. Sondaı-aq, ol qurastyrylmaǵan nemese bólshektelingen túrde tasymaldanatyn taýarlardy kedendik maǵlumdaýdy biryńǵaılaý; keıbir rásimderdiń merzimderin qysqartý qarastyrylǵanyn da atap ótti.
Joldybaı Bazar.
Derekkóz: primeminister.kz.
Foto: euraziancommission.org.