Jýyrda «Jasyl damý» AQ el Úkimetiniń 2022 jylǵy 18 qańtardaǵy №20 qaýlysyn iske asyrý sheńberinde «О́KM Operatory» JShS-nyń kádege jaratýǵa tapsyrylǵan eski kólikter men agrotehnıkalarǵa aqshalaı ótemaqy tóleý jáne jeńildik sertıfıkattaryn óteý týraly quqyqtyq mindettemelerin oryndaý jumysy aıaqtalǵanyn habarlaǵan bolatyn.
Osylaısha, «Jasyl damý» AQ otandyq avtoóndirýshilerden agrotehnıka men kólik quraldaryn satyp alýǵa múmkindik beretin jeńildik sertıfıkattaryn qarjylandyrýdy bastady. Buǵan deıin О́KM «Operatory» JShS bergen jeńildik sertıfıkattaryna tólem júrgizilmegendikten sertıfıkatty qoldaný múmkin bolmaǵan edi.
Eski kólikterin aqshalaı ótemaqyǵa tapsyrǵan jeke jáne zańdy tulǵalar tıisti tólemderin alýy úshin «E-О́tinish» biryńǵaı platformasy arqyly qoǵamnyń atyna óz ótinishin joldap, banktik derektemelerin kórsetýi qajet.
Aqshalaı ótemaqy rastalǵan ótinimder men bank derektemeleri durys jiberilgen ótinishter boıynsha tólem júrgiziletin bolady.
Merzimi ótken jeńildik sertıfıkattaryn paıdalaný Qazaqstan Respýblıkasynda ekologııalyq taza avtokólik quraldaryn (elektr qozǵaltqyshtary bar Eýrazııalyq ekonomıkalyq odaqtyń tehnıkalyq reglamentinde belgilengen ekologııalyq synypqa sáıkes keletin) jáne olardyń komponentterin, sondaı-aq ekologııalyq talaptarǵa sáıkes keletin ózdiginen júretin aýyl sharýashylyǵy tehnıkasyn óndirýdi yntalandyrý qaǵıdalaryna tıisti ózgerister engizilgennen keıin múmkin bolady. Bul EGTRM-niń 2021 jylǵy 21 shildedegi №263 jáne IIDM-niń 2021 jylǵy 29 shildedegi №400 birlesken buıryǵynyń qoldanylý merzimin uzartý boıynsha bekitilgen tehnıkalyq reglamentterde aıqyndalǵan.
Jeńildik sertıfıkatyn paıdalanyp jańa kólik pen aýylsharýshylyq tehnıkasyn satyp alýǵa bolatyn avtoóndirýshilerdiń tizimi qazan aıynda qosymsha jarııalanady.