13 qazan kúni tústen keıin áleýmettik jelilerde ekinshi synyp oqýshysynyń qalanyń ishinde joǵalyp ketkeni týraly aqparat paıda boldy, dep habarlaıdy Egemen.kz Polisia.kz-ke silteme jasap.
Ata-ana balasynyń saǵat 13:00 shamasynda joǵalyp ketkenin habarlaǵan. Ol týraly baǵdarlar petropavldyq polısııanyń barlyq jeke quramyna jáne oblystyq Polısııa departamentiniń syrtqy qyzmetterine jiberildi. Ile-shala tártip saqshylary qala kóshelerinde balany izdeýge kirisken.
Nátıjesinde balany polısııa qyzmetkerleri Ivan Erıomenko men Jan Orazalın mingen patrýldik polısııa batalonynyń ekıpajy taýyp aldy. Olar saıajaılardyń birin qarap shyqqan soń qala kóshelerine qaraı oıysqan. Tártip saqshylary joǵalǵan bala óz úıinen alys emes jerde kórshisimen áńgimelesip turǵanyn baıqap qalǵan. Osydan keıin ábden abyrjyǵan ata-anasyna dereý uldarynyń tabylǵany jaıly aıtyldy. Al eriktiler tez arada áleýmettik jelilerde balanyń otbasymen qaýyshqanyn habarlady.
– Bala adasyp ketken, óıtkeni otbasy jaqynda jańa mekenjaıǵa kóship kelgen. Iývenaldyq polıseıler ata-anasymen profılaktıkalyq áńgime ótkizdi. Petropavldyqtardan kishkentaı balalardy nazardan tys qaldyrmaýyn suraımyz. Eger olar joǵalyp ketse, dereý «102» arnasyna habarlasyńyzdar, – deıdi Petropavl qalasy PB bastyǵynyń birinshi orynbasary Álibek Ǵabdýllın.