Qasym-Jomart Toqaevtyń Prezıdent Rejep Taııp Erdoǵanǵa jedelhatynda Túrkııanyń Bartyn provınsııasyndaǵy shahtada bolǵan jarylys saldarynan qaza tapqandar men zardap shekkender týraly aqparatty tereń kúızelispen qabyldaǵanyn jetkizgen, dep habarlaıdy Egemen.kz Prezıdenttiń baspasóz qyzmetine silteme jasap.
– Osy oraıda Sizge jáne jaqyndarynan aıyrylǵan otbasylaryna Qazaqstan halqynyń jáne jeke ózimniń atymnan kóńil aıtyp, orny tolmas qaıǵy-qasiretke ortaqtasamyn. Alla Taǵaladan qaza tapqandardyń jany jánnatta bolýyn, zardap shekkenderdiń tez arada saýyǵyp ketýin tileımin, – dep jazylǵan jedelhatta.