HHI ǵasyrdyń azııalyq modeli

Esterińizge sala keteıik, Azııa­daǵy qaýipsizdik boıynsha aımaq­tyq dıalog alańyn qurý basta­masy Qazaqstanǵa tıesili. Bul usy­nysty alǵash ret elimiz egemen mem­leket retinde 1992 jyly BUU Bas As­sambleıasynda jarııalady. Qazaq­stannyń óz azııalyq tuǵyrnamasyn qurý bastamasy keń óris aldy. Otyz jyl ishinde AО́SShK álemdik qoldaýmen pármendi ári tıimdi halyqaralyq alańǵa aınaldy.

Astana sammıtiniń Tóraǵasy Qasym-Jomart Toqaev AО́SShK ju­mysynyń mańyzdy baǵyttaryn atap ótti. Bul – ekonomıkalyq jáne qarjylyq qatynastardyń turaqty júıesin qurý, klımattyq kún tártibi, azyq-túlik qaýipsizdigi jáne gýmanıtarlyq ólshem.

Qazirgi álemdik úderisterde qarqyndy damyp kele jatqan Azııa óńirleri men memleketteri erekshe oryn ala bastady. Azııa elderi Azııanyń jahandyq proseske qandaı ekonomıkalyq úles qosatynyna sáıkes halyqaralyq qatynastardyń jańa jáne teń quqyly júıesine degen erik-jigerin turaqty túrde kórsetip keledi.

Azııa elderiniń jıyntyq ekono­mı­kalyq ósýi orasan zor. О́ndi­risti ártaraptandyrý, sıfrlyq tehnologııalar jáne belsendi áleý­mettik-ekonomıkalyq baı­lanys­tar birqatar múmkindik týǵy­zady jáne Azııanyń zamanaýı kel­betin qalyptastyrady. Qazir modernızasııanyń azııalyq modeli HHI ǵasyrdyń kelbetin anyqtaı bas­tady. Azııanyń ekonomıkalyq jáne mádenı órleýimen kontınenttik qaýipsizdiktiń jańa paradıgmasy ózekti boldy. Astana keńesi osyndaı maqsat qoıyp otyr.

Syndarly halyqaralyq qaty­nas­tardy qurý qajettiligi ekono­mıkalyq, qarjylyq, óndiristik, kólik-logıstıkalyq jáne aqpa­rattyq júıelerdi ınternasıo­nal­dandyrý prosesinde ósýde. Is-sharaǵa qatysýshylardyń barlyǵy senimdilikti nyǵaıtýdyń jalpy sharalaryna járdemdesý nıetterin ras­tap otyr. Qazaqstan bul turǵyda jal­py turaqty qaýipsizdik júıesin qalyptastyrýǵa járdemdesý jónin­degi saıasatqa adal bolyp qala beredi.

Bolat ÁÝELBAEV,

Prezıdent janyndaǵy Qazaqstan strategııalyq zertteýler ınstıtýtynyń bas sarapshysy